Ambasadori amerikan dhe ministri Jashari diskutojnë për aferën e përgjimeve
Ambasadori i ri i Shteteve të Bashkuara të Amerikës Xhes Bejli, në takimin e parë zyrtarë me ministrinë e drejtësisë, Adnan Jashari kanë diskutuar situatën aktuale politike në Maqedoni të krijuar së fundmi me publikimin e përgjimeve të opozitës dhe rasti “Puç”, njoftojnë nga dikasteri i drejtësisë.
Jashari gjatë takimit ka theksuar bashkëpunimin e shkëlqyeshëm që ka pasur me ambasadorin e deritanishëm Volers, duke shpresuar se ky bashkëpunim i frytshëm do të vazhdojë edhe me ambasadorin e ri Xhes Bejli. Nga ana tjetër edhe ambasadori i sapoemëruar Xhes Bejli ka shfaqur gatishmëri për të vazhduar edhe më tej këtë bashkëpunim.