Normalizohet komunikacioni, kujdes nga paraqitja e shembjeve të dheut
Komunikacioni në të gjitha rrugët shtetërore, zhvillohet pa ndalesa, nëpër rrugë kryesisht të thata. LAMM rekomandon kujdes në drejtimin e automjetit, shpejtësi të adaptuar gjatë qarkullimit dhe respektim të sinjalizimit të vendosur rrugor. Kujdes të veçantë duhet pasur në akset të cilat kalojnë përmes grykave malore, veçanërisht në akset rrugore Katllanovë Veles, Mavrovë Dibër Strugë, Demir Kapi Udovë,Koçan-Delçevë, Vinicë-Berovë ku mund të paraqiten shembje të vogla të dheut. Komunikacioni në aksin rrugor Koçan Makedonska Kamenicë është normalizuar. Për shkak të shembjeve potenciale, shoferëve u rekomandohet kujdesje në vozitje dhe respektim të sinjalizimit të vendosur rrugor. Në aksin rrugor Lakavicë Negotinë në 7 kilometra mbi fshatin Leskoica është kryer sanim për shkak të shembjes së rrugës prej 200 metrave.
Është sanuar edhe dëmi në rrugën Vinicë Pehçevë dhe komunikacioni është normalizuar. Për shkak të shembjeve të mundshme në aksin rrugor Katllanovë Veles pas pikës pagesore Sopot, komunikacioni po zhvillohet në njërën korsi në gjatësi prej 200 metrave. Në aksin rrugor Stracin Kriva Pallankë në dalje nga Stracini në drejtim të Kriva Pallankës, për shkak të rrëshqitjeve të dheut është përfshirë korsia e tretë e rrugës në gjatësi prej 150 metrave.
Në komunën e Probishtipit, drejtimi lokal Zletovë diga Knezhevë e cila ishte në ndërprerje për shkak të rrëshqitjeve të sheut, është liruar për qarkullim përmes një korise në gjatësi prej rreth 150 metrave. Komunikacioni në akset rrugore Koçan-Zërnovci dhe Trabotivishte-Razlovci është në ndërprerje për shkak të dëmtimeve në urat e lumit Bregalnicë. Rruga alternative për Trobotivishte është rruga e vjetër Dellçevë Trabotivishte.