Mjekësia Alternative, kuvendi miraton ndryshimet ligjore

Në Maqedoni u miratua për herë të parë ligji për mjekësinë komplementare dhe alternative. Kuvendi miratoi pa debat ligjin, i cili përfshin metoda diagnostikimi dhe kurimi, të cilat nuk përfshihen në shërbimet aktuale shëndetësore të bazuara në prova.

Ligji përfshin veprime që nuk janë të dëmshme për shëndetin dhe nuk i pengojnë pacientët nga shfrytëzimi i shërbimeve shëndetësore paralele. Këtu bën pjesë mjekësia tradicionale kineze, homeopatia, hajurveda, kiro-praktika, mjekësia kuantike.

Këto praktika mund t’i zhvillojnë vetëm ata persona që kanë arsim të lartë, dhe kanë kryer fakultet mjekësie apo farmacie, si dhe certifikata shtesë për mjekësi alternative.