fbpx

Shqipëri, skandal në librin e Sociologjisë: Muhamedi është biri i Zotit?! (Foto)

Skandalet me tekstet mësimore të shkollave shqiptare nuk kanë të sosur.

Pas “këshillave” se si nxënësit mund të rrisin temperaturën për të mos shkuar në shkollë apo rasti ku vëllai duhet të zgjedhë mes tij dhe të motrës se cili prej tyre do të hajë një karamele me helm vdekjeprurës, skandaleve i shtohet edhe një e dhënë kontraverse dhe jo e saktë që ka të bëjë me fetë.

Me vite të tëra, nxënësit e shkollave të mesme në Shqipëri mësojnë Sociologjinë nga libri me autorësi të Fatos Tarifës, Klementin Miles dhe Flora Gjokës e botuar nga Shtëpia Botuese Mediaprint.

Në faqen 109 të këtij libri, në pjesën ku spjegohet Islami, aty ku renditen pesë shtyllat e Islami, ekziston një fjali që është krejt e kundërta e asaj që predikon Islami.

“Recitimi i motos islame, sipas së cilës Islami është i vetmi Zot dhe Muhamedi është i biri i tij” (Sociologjia për klasën e 11-të, faqe 109).

Kjo është fjalia skandaloze pasi bie ndesh plotësisht me predikimin e Islamit për një Zot të vetëm.

Sipas predikimeve islame, Allahu është i vetmi Zot ndërsa Muhamedi është i dërguari i tij. / Albeu

Skandal në librin e Sociologjisë
Skandal në librin e Sociologjisë
Tags

Lajme të ngjashme

Një koment

Back to top button
Close