Lufti Haziri: Ja si e njoftova bashkëshorten

Kryetari i Gjilanit, Lutfi Haziri, me rastin e Shën Valentinit, ka treguar edhe se si e ka njoftuar bashkëshorten e tij, Mirvete Bajramin.

Në emisionin e mëngjesit në RTK me rastin e Shën Valentinit, Haziri ka treguar për historinë e dashurisë së tij me Mirveten, një këngëtare e muzikës pop-folk.

“Unë atë kohë isha kryetar i forumit rinor, kurse Mirvetja një aktiviste dhe këngëtare e shoqërive artistike. Aty edhe na ka rënë që të njoftoheshim nga pak dhe u bëmë shok. Më pas kanë ndikuar pak edhe nënat tona të cilat po ashtu ishin shoqe”, thkesoi Haziri, transmeton Telegrafi.

Bashkëshortja e tij shtoi se në fillim pati mendim negativ për Hazirin, por se me kohë filloi të kishte më shumë interesim për të.

“Në fillim nuk më interesoi kaq. Ishte me flokë të gjatë, ishte një roker dhe kisha mendim negativ për të. Por më pas u bëmë shokë dhe u njoftuam edhe më mirë, ja ku jemi sot”, u shpreh Mirvetja.

Lufti Haziri dhe Mirvete Berisha janë të martuar tash e 20 vjet, kurse ka 25 vjet nga njohja e tyre. /Telegrafi/