Berlusconi po e shet Milanin

Pas 29 vitesh presidencë të Silvio Berlusconit (përvjetori më 20 shkurt) Milani duket se ndryshon pronësi. Sipas asaj që shkruan “La Repubblica”, kuqezinjtë kanë gjetur një ortak nga Azia: një grup tajlandez, identiteti i së cilit nuk bëhet i ditur për momentin, ka vënë në pjatë plot 1 miliard euro (plus kapitale të tjera për stadiumin e ri).

Dy javë më parë Berlusconi ka firmosur paraakordin në Arcore, por fillimisht grupi aziatik do të marrë në duar vetëm 30% të aksioneve (300 milionë), por brenda tre vitesh ata mund të zotërojnë mazhorancën e klubit kuqezi.
Javën e ardhshme do të bëhet edhe takimi vendimtar.