Shkariq fton studentët të udhëhiqen nga ndjenja për drejtësinë

Profesori Svetomir Shkariq sot iu drejtua studentëve në sallën e fakultetit filozofik. Në tribinën ku qëndron motoja “Si të arrihet arsimimi më i mirë”, Shkariq u përcjelli përvojën e tij nga protestat e vitit 1968.

Shkariq tha se atë kohë studentët kërkonin më shumë t drejta në vetëqeverisjen e fakulteteve dhe se studentët e kaluan natën në rrugët e Beogradit dhe se ishin të gatshëm t’i kundërvihen armatës dhe policisë për arsye se udhëhiqeshin nga ndjenja e drejtësisë.

Duke iu kthyer reklamave, “ Dituria është fuqi”, Shkariq tha se nuk mundet që qeveria të merret me arsimin.

“Nuk është thelbi te provimi, thelbi është që profesori të kontaktojë me studentët, të jetë I lidhur me ta. Duhet 99 për qind të punojë për studentin dhe jo e kundërta. Mos prisni nga qeveria që të bëjë lëshime, është e natyrshme ajo të udhëhiqet nga motive tjera, por askush nuk mund të realizojë provimin më mirë se profesorët, ata me vite punojnë në një lëndë”, tha Shkariq para studentëve.