Tetovë: Vazhdon të bjerë numri i filloristëve
Trendi i rënies së nxënësve shqiptarë në shkollat fillore të Tetovës vazhdon edhe këtë vit. Në shkollën fillore “Liria” në vitin shkollor 2013/2014 janë regjistruar tre paralele parashkollore edhe atë dy në gjuhën shqipe dhe një në gjuhën maqedonase. “Në paralelet shqipe numri i nxënësve është nga 20 deri në 25 nxënës në një paralele, ndërsa te ata maqedonase më i vogël”, thotë pedagogu i shkollës, Bajram Selmani.
Për dallim nga shkolla fillore “Liria”, në shkollën fillore “Istikball” deri më tani në paralelet parashkollore janë regjistruar 91 nxënës. ”Në krahasim me vitin e kaluar, ky numër është më i vogël duke pasur parasysh se vitin e kaluar kemi pasur 120 nxënës”, thotë drejtor i shkollës “Istikball”, Benezar Shabani.
Shkolla fillore “Istikball” është e përgatitur për fillimin e vitit shkollor 2013/2014, ndërsa Ministria e arsimit për këtë vit, për regjistrimin e nxënësve, përpos çertifikatës së lindjes dhe vërtetimit nga mjeku amë për pranimin e vaksinave, ka paraparë edhe një vërtetim për gjendjen e dhëmbëve.
Sipas specialistes për fëmijë nga ordinaca “Drita Dent” çdo shkollë u ka kërkuar fëmijëve vërtetim për gjendjen e dhëmbëve dhe ata ua kanë siguruar këtë dokument nxënësve.
Rënia e numrit të nxënësve nëpër shkollat fillore është pasojë e mërgimit edhe e uljes së natalitet te gjeneratat e reja. /Portalb