SASHK-u dhe Ministria e Arsimit në bisedime larg syve të opinionit
Larg syve të opinionit SASHK-u dhe Ministria e Arsimit po bisedojnë për të përafruar qëndrimet rreth kërkesave të Sindikatës e cila po vazhdon grevën në javën e tretë. Nuk ka të dhëna se deri ku ka arritur harmonizimi i kërkesave. Asnjëra palë nuk dëshiron të flasë derisa nuk ka lëvizje pozitive në këtë drejtim, njofton Alsat-M. Përkundër këtyre takimeve, burime brenda Sindikatës thonë se gjithçka është gati për protestën e nesërme e cila duhet të realizohet në të gjitha qytetet e vendit.
