Ali Ahmeti përgëzon Ilir Metën për postin e ri
Kryetari i BDI-së, Ali ahmeti i ka uruar Ilir Metës postin e kryetairt të Kuvendit të Shqipërisë.
“Kam nderin e veçantë që në emër të të gjithë anëtarëve dhe përkrahësve të Bashkimit Demokratik për Integrim si dhe në emrin tim personal, t’ju shpreh urimet tona të përzemërta për zgjedhjen tuaj për Kryetar të Kuvendit të Republikës së Shqipërisë”, thuhet në urimin e Ahmetit
Ali Ahmeti, vlerësoji lart proceset parazgjedhore në Shqipëri. Sipas tij, zhvillimi i një procesi shembullor i zgjedhjeve të përgjithshme në qershor si dhe fillimi i punës së përbërjes së re të Kuvendit me pjesëmarrjen konstruktive të të gjitha partive parlamentare dëshmon se Shqipëria është e gatshme që të merr statusin e vendit kandidat për anëtarësim në Bashkimin Evropian që në samitin e dhjetorit të këtij
viti.
“Unë jam i bindur që ju, me urtësinë dhe përvojën tuaj të gjatë politike, do të arrini të harmonizoni të gjitha forcat politike në Kuvend për ta arritur këtë synim të madh të Shqipërisë në rrugën e saj
drejt anëtarësimit të plotë në Bashkimin Evropian”, thotë Ahmeti
Në urimin e ti për Ilir Metën, Ahmeti shkruan: “Duke ju uruar shëndet dhe punë të mbarë, ju shtrij dorën për ta vazhduar bashkëpunimin tonë që filloi në kohëra të vështira për kombin shqiptar dhe që po vijon edhe sot, ndërsa unë jam i bindur që do të vazhdon edhe në të ardhmen”.