Plenumi Studentor: Do të fillojmë me ligjëratat, pastaj do të vendosim për bojkot

Studentët e organizatës joformale studentore “Plenumi Studentor” thonë se janë në koordinim dhe nuk kanë vendosur për masat e ardhshme që do të ndërmerren pasi Kuvendi miratoi , ndërsa presidenti Gjorge Ivanov i nënshkruajti ndryshimet e fundit në Ligjin për arsim të lartë.

“Këto dit kemi plenume të njëpasnjëshme në fakultete, ndërsa gjatë javës së ardhshme do të mbajmë një plenum të përbashkët. Deri më tani nuk kemi vendosur cilat do të jenë hapat e ardhshëm. Tani kemi sesion konsultues, ndërsa nga 2 shkurti fillojmë me ligjëratat. Deri sa nuk kemi vendosur cili do të jetë aksioni i ardhshëm”, thotë Darko Malinovski nga Plenumi Studentor.