SHBA, zgjidhet avioni i ri presidencial
Pavarësisht se ende nuk është firmosur kontrata, bëhet me dije se Pentagoni ka zgjedhur avionin “Boeing 747-8” për të zëvendësuar avionin presidencial të SHBA-ve, “Air Force One”. Departamenti deklaroi se Boeing po sigurohet lidhur me marrëveshjen për avionin dhe ndryshimet që ekspertët shprehen se përfshijnë sofistikime në pajisjet e komunikimit dhe ato anti-raketë. Një vit më parë, forcat e armatosura bënë të ditur se kishin shpenzuar rreth 1.65 miliardë dollarë për periudhën 2015-2019, për të riparuar avionët e tyre, megjithatë nuk pati publikime të kostos së kontratës.
