A ka shpresë për Tetovën?!
Çdo mbrëmje në lajmet kryesore të TV-së pro qeveritare me eufori theksuese, e japin lajmin se sot në disa qytete u mbyllën kaq restorane dhe shitore , nga inspeksionet sepse nuk posedonin akoma kasa fiskale . Pasi këta objekte e dëmtojkan shtetin, po ky i objekti i Jugohromit i cili e dëmton fushën e pollogut me 400.000 banorë, nuk mundeshka të mbyllet sepse nuk e dëmton shtetin. Se i helmohen njerëzit shteti ska gajle, por vetëm për interesin e vet merë masa, ndërsa njerëzit i le të helmohen. Duke mos i konsideruar këta qytetar si pjesë e përbërjes demografike të shtetit. Por shteti nuk është aq naiv, ai e ka matur pulsin me kohë të qytetarve të Pollogut , pushteti e dinë se Tetovarët nuk ngrihen të luftojnë për veten , nuk janë në dijeni për rezultatet ogurzeza dhe fatale, për vdekjen e foshnjave dhe pleqve , a thua nga mërzia nuk dalin të luftojnë me të keqen para hundës, atëherë të vdesim të gjithë, se ashtu dot na vjen ma lehtë se sa të zgjohemi e të luftojmë për jetën tonë dhe të fëmijve tonë, apo ti nënshtrohemi Fantasisë se jemi në pritje të ndonjë shpëtimi që do të vije nga Zoti.
Tetovarët janë shëndruar në Rrobota dhe shfrytëzohen nga partitë politike kur të kenë nevojë për votime, votojnë si delet shute pa e ditur platformën politike dhe ekonomike të partive, nuk kanë vetëdije gjatë votimit, dhe nuk kërkojnë llogari nga ata për të cilët votuan. Megjithëse i kemi dy Universitetet dhe një armatë të studentëve me doktor profesorë , akoma nuk kanë ndikua në emancipimin dhe vetëdijesimin intelektual të popullatës, këto universitete kanë dështua në misionin për ngritjen dhe shkollimin e popullatës, sepse nuk reflektohet përparim nga diplomimi i studentëve, populli nuk i ndjen në mesin e vetë këto rezultate, nëse ka nevojë mundem ti elaboroj me fakte dhe shembuj konkretë. Ky është paradoks që nuk i ngjan historisë Tetovare. Këte e konstatoj pasi në protestat e organizuara nga Eco Guerile kundër helmimit, pak qytetarë Tetovarë ju përgjigjën protestës, ne akoma nuk dijmë ta pranojmë ndihmën e ofruar, ky është rezultat i vetëdijes së ulët qytetare, shoqatat qytetare nuk kanë rezultat pozitiv në veprimtarinë sepse nuk ka qytetarë. Nuk ka qytetar të cilët dot dinë ti ndjekin apelet e OJQ –ve, për tu kundërvënë vendimeve nga ana e pushtetit të cilët vendime dot jen të dëmshme për qytetarët.
Tetovarët duhet të organizohen nëpër njësi zgjedhore, dhe të trokasin në zyrat e deputetëve të cilët i kanë votuar, të kërkojnë llogari ose deputetët ti kthejnë mandatet, sepse janë të pa aftë për ti mbrojte interesat e votuesve të vet. Qytetari e jep dhe e merë mandatin e deputetit, sipas etikës dhe ndërgjegjes deputeti i cili nuk ka aftësi të veproje sipas parimeve të ndërgjegjes qytetare ai është i dëmshëm për votuesit e njësisë votuese, sepse i shet interesat e votuesve, votuesit kanë të drejtë ta shkarkojnë atë deputet, duke protestuar, ose në formë të peticionit.
Është koha e fundit që deputetët dhe klasat politike të fillojnë të japin kontribut për të mirën e popullit të vet, deputeti i popullit obligohet moralisht, të votoje me vigjilencë dhe kokë lartë, për kërkesat e votuesve të vet, dhe të shëtisin nëpër rrugët e qytetit të vet si njerëz të lirë dhe jo të vetë burgosen, të vet izolohen dhe të mshefet nga njerëzit. A thua se nuk janë të vetëdijshëm, se nuk do të jenë vazhdimisht në pozitë , politika është relative, njëherë je lartë por një ditë je poshtë. Politikanët duhet të mendojnë për pasardhësit e vet, si do të jetojnë fëmijët e tyre të cilët do të jenë mjet tallje , për politikën e gabume të politikanit ndaj popullit të vet, fëmijët e tyre nuk dot pranohen në shoqëri dhe do të injorohen vazhdimisht, çmimi paguhet shumë shtrenjtë. Por duhet të mendojnë politikanët, të përpiqem t’ua sqaroj me një shembull . Ta marim si shembull Gadafin, kush mendonte se ai do të bjere ndonjëherë , por fatkeqësisht ia kurdisën punën, dhe mënyrën sa ma të turpshme që s’mbahet mend për një kryetar shum të pasur materialisht. Ky mesazh i’ju dha botës, se populli nuk haron kurën e kurës , dhe pret momentin e duhur , momente të duhura shumë shpejt vijnë.
Koheve të fundit në opinion plasi një shkëndijë, shpresë dhënëse se më në fund tek disa deputet të BDI-së, jo të DUI-t. U ngjall ndërgjegja për t’ju kthyer popullit dhe për ti kërkua të drejtat e popullit të vet, ky moment është për tu përshëndetur nga ne që përbëjmë numrin ma të madh si popull. Por në disa sekuenca të menduarit kritik shfaqen episode skeptike, se kjo mos është një akull për kokat tona, dhe na flladitin në mes të dimrit. Haj ta largojmë këtë mendim negativ. Të mendojmë pozitivisht. Sepse ata deputetë u shfaqën me emër dhe mbiemër dhe shumë trimërore siç janë : Hazbi Lika, Zulfi Ajdini, Xhevat Ademi. Këta janë tre të parët të cilët pa kokë frike dolën në mejdan dhe, thanë nji fjalë, por janë edhe dy të cilët akoma e matim pulsin dhe presin momentin e duhur. Une supozoj se ata dy janë Rafis Haliti dhe kryetari Ali Ameti. Nga BDI-ja të cilën e kemi votua.
Dhe më në fund uji do ta gjeje shtratin e vetë dhe do ti vadite fushat dhe arat tona për ma shumë bereqet për fëmijët tanë.
Autori është kryetar i OJQ “Zgjate Dorën” Tetovë