Romer: Arsimi me gjoba nuk mund të jetë funksional

Kryetari i Sindikatës Evropiane për Arsim Martin Romer i cili po qëndron për vizitë në vendin tonë ka realizuar sot një takim me ministrin e arsimit dhe atë të punës dhe politikës sociale, Abdilaqim Ademi dhe Spiro Ristovski.

Romer menjëherë pas takimit është shprehur për mediat se beson se akoma ka vend për dialog social. Kreu i sindikatës evropiane për arsim  qëndron për vizitë në Maqedoni me shpresë për të ndihmuar dialogun ndërmjet SASHK-ut she Ministrisë së Arsimit.  Me këtë rast ai u shpreh se është e domosdoshme që ti jepet shans qeverisë dhe SASHK-ut që të mund të arrijnë një zgjidhje. Sipas tij situata akoma nuk ka arritur në qorr-sokak.