fbpx

Mustafa: S’kemi pse thërrasim “Trepça është e jona”, kur ajo është në territorin tonë

Kryeministri i Kosovës, Isa Mustafa, në një postim në facebook shkruan se nuk kemi nevojë të thërrasim “Trepça është e jona”, përderisa ajo është në territorinë tonë.

Mustafa, ka thënë se nuk duhet të frikësohemi nga deklaratat që vijnë nga Serbia, por të frikësohemi nga ata që manipulojnë me emocionet e qytetarëve për ta shkatërruar pasurinë dhe për ta rrënuar demokracinë, edhe ashtu të brishtë, të këtij vendi.

Më poshtë shkrimi i plotë i Mustafës:

Ata, që iu mbet merak me e dërguar Trepçën në likuidim, për ti zhdukur të gjitha gjurmët e vjedhjeve, kontrabandës, keqpërdorimeve dhe manipulimeve, tani e quajnë të shantazhuar Qeverinë e cila së bashku me shumicën e deputetëve të Kuvendit e shpëtoi në momentin e fundit nga falimentimit dhe nga mbetja pa punë e mbi 5,000 punëtorëve.

Pse kemi nevojë të thërrasim se “Trepça është e jona”, kur ajo është në territorin tanë, siç janë të gjitha pronat e tjera. A duhet të thërrasin në protesta që Kosova është e jona?!. Mos u frikësoni nga fjalët që vijnë nga Serbia, sepse ato janë fjalë e kjo është tokë, e jona. Frikësohuni nga ata që manipulojnë me emocionet e qytetarëve për ta shkatërruar pasurinë dhe për ta rrënuar demokracinë, edhe ashtu të brishtë, të këtij vendi.

isa-mustafa

Tags

Lajme të ngjashme

Back to top button
Close