Lidhja e gjykatësve të Maqedonisë dënon protestën e sotme për Kezharovskin

Lidhja e gjykatësve të Maqedonisë në një komunikatë të saj ka dënuar protestat kundër vendimeve gjyqësore dhe apelon që rasti “Kezharovski” të mos shfrytëzohet për të fyer dhe ulur gjykatat.

“Lidhja e gjykatësve të Maqedonisë I dënon protestat kundër vendimeve gjyqësore pavarësisht se protesta është një e drejtë e garantuar me Ligj. Vendimet gjyqësore mund që të procedohen në instancat gjyqësore dhe është e pashembullt që të pengohet puna e gjykatësve dhe më pas të shfrytëzohet demokracia e rrugës për të ndryshuar vendimet gjyqësore”, thuhet në komunikatë.