Zhernovskit i befasuar nga Trajanovski, drejtorët vetë të vendosin për grevën

Kryetari i komunës Qendër,  Andrej Zhernovski, ka deklaruar se as që ka qenë i informuar për mbajtjen e takimit koordinues të kryetarit të qytetit të Shkupit, Koce Trajanovski, me kryetarët e komunave të Shkupit, dhe në lidhje me grevën e paralajmëruar të SASHK-ut, dhe për këtë është i habitur prej deklaratës tendencioze për mos pjesëmarrjen e tij.

“ Më se e qartë është se deklarata e Trajanovski, si edhe vet takimi, ka përmbajtje partiake. Kryetari Zhernovski dhe Komuna Qendër qëndrojnë në principin e mos përzierjes së politikës në arsim. Bash për këtë arsye, drejtorëve, mësuesve dhe edukatorëve, iu është lënë vet të vendosin nëse do ta përkrahin grevën e SASHK-ut, ose jo”, qëndron në njoftimin e Komunës Qendër.