fbpx

SHIKIMI YT

Pse më sheh ashtu?

Ah shikimi yt…

Sikur ma tërbon çdo ndjesi, e unë çmendem në qetësi.

Sikur mi përbin mëkatet e vogla, e unë mundohem më kot ti harroj.

Sikur mi zbulon sekretet e vjetra, e unë i fsheh dhe nga vetëvetja.

Sikur në mua kërkon të ndaluarën e ëmbël, e unë kam frikë të ta dhuroj.

Sikur mi lakuriqëson gjithë epshet, e unë i mbuloj me tisin e turpit.

Sikur në mua fshihen kodet e ëndrrave tua, e unë vuaj që nuk jam pjesë e tyre.

Sikur në mua luftojnë e kaluara dhe e ardhmja jote, e unë dua me ty ta jetoj të tashmen.

Sikur nëpërmjet bebzave të mija do t’ma vjedhësh zemrën, e unë më veç ta kam dhuruar.

Sikur ma adhuron çdo qerpik një nga një, e une i hap e mbyll me shpejtësi vetëtime.

Sikur më puth çdo cep të lëkurës, e unë e ndjej ngrohtësinë e buzëve të syve.

Sikur ma admiron lotin që ti e shkakton, e unë kam guxim të qaj për ty.

Sikur ma kafshon buzën, e mua më dhem kjo kënaqësi.

Sikur më zhvesh rrufeshëm, e unë skuqem nga druajtja.

Sikur bën dashuri me vullkanet e mija, e unë  digjem në prush e zjarr.

Sikur trembesh nga dashuria ime, e unë kam aq nevoj ta ndaj me ty.

Sikur në mua e sheh tjetrën, e unë vdes çdo orë e çast.

Sikur më sheh për herë të fundit, sepse vërtet po më humb…

“Pse me sheh ashtu?”- të pyes ty.

“Si?” – Më pyet ti.

“Çuditshëm!”- të them dhe hesht…

 

Lira Bojku 2015

Tags

Lajme të ngjashme

Back to top button
Close