Flasin të mbijetuarit 16 vjet nga masakra e Reçakut (Video)

Më 15 janar mbushen 16 vjet nga masakra e Reçakut. Bota në atë kohë u bind për tmerrin që shkaktoi regjimi serb i Sllobodan Millosheviqit.

Banorët e këtij fshati në Shtime tash jetojnë çdo ditë me dhembje për humbjen e 42 familjarëve të tyre, raporton RTK.

Nesër Reçakun do ta vizitojë edhe kryeministri i Kosovës, Isa Mustafa, e kryetari i Kuvendit të Kosovës, Kadri Veseli, të cilët do të bëjnë homazhe në kompleksin përkujtimor.

Në prag të përvjetorit të 16 të masakrës së Reçakut, i mbijetuari Nysret Shabani kujton atë ditë ku iu vra edhe djali.

Ai tregon se si filloi e gjithë ngjarja në orët e hershme të mëngjesit të 15 janarit të vitit 1999.

“Në atë shtëpi ishin 50 e diçka veta. Na qitën jashtë. Një shtëpi ishte plot gra. Ata ishin tuj na pritë. Gjo për ftyrë të zezë nuk kanë lonë pa bo”, thotë ai.