Shqiptarët në Slloveni për 20 ditë rinovojnë shtëpinë e braktisur, e shndërruan në Qendër Kulturore

Për renovimin e saj u angazhuan fëmijë, adoleshentë dhe të rritur, dhe pas nj pune intensive, tashmë pikërisht brenda këtij objekti kanë filluar aktivitetet e kësaj shoqate kulturore, e cila qysh nga viti 1998 ka qenë në kërkim të një strehe

Shoqata Kulturore e shqiptarëve “Iliria”, në Koper të Sllovenisë ka bërë një mrekulli. Atyre i është ofruar një shtëpi e vjetër e braktisur, dhe të njëjtit për 20 ditë punuan në renovimin e saj për ta kthyer këtë shtëpi në një qendër kulturore. Për renovimin e saj u angazhuan fëmijë, adoleshentë dhe të rritur, dhe pas një pune intensive, tashmë pikërisht brenda këtij objekti kanë filluar aktivitetet e kësaj shoqate kulturore, e cila qysh nga viti 1998 ka qenë në kërkim të një strehe. Për këtë entuziazëm të shqiptarëve kanë shkruar edhe mediet sllovene.

Është bërë e ditur se kjo qendër kulturore ka mbi 100 anëtarë aktiv, për lloje të ndryshme të aktiviteteve si: muzikë, folklor, valle, recitale, si dhe aktivitete sportive.

“Sot, shtëpia tregon imazhin e mirë të saj nga jashtë, duke përfshirë edhe kopshtin e bukur. Ka një tarracë të re”, ka thënë për mediet sllovene, Eset Ahmeti, ku ka folur edhe për perspektivën e të rinjve shqiptarë, që janë edhe ambasadorët e kulturës shqiptare në Evropë ./KultPlus.com