SHBA, plagosen 5 persona

SHBA- Pesë persona u plagosën nga të shtënat, gjatë një koncerti të këngëtarit amerikan Chris Brown. Ngjarja mësohet se ka ndodhur në afërsi të një klub nate të quajtur ‘Fiesta’ në San Jose të Kalifornisë.

Të shtënat me armë zjarri janë dëgjuar në ambientet e jashtme të klubit, gjë që ka krijuar panik brenda ambienteve të tij. Po kështu mediat bëjnë të ditur se pesë të plagosur janë dërguar për mjekim në spital dhe janë jashtë rreziku për jetën.