SASHK riaktivizon grevën

Sindikata e Arsimit, shkencës dhe Kulturës (SASHK) e ka riaktivizuar grevën e përgjithshme për mësimdhënësit, ndërsa data e fillimit të grevës është caktuar më 20 janar.

Nga SASHK para tre javëve paralajmëruan se nëse deri më 31 dhjetor Ministria e arsimit dhe shkencës nuk përgjigjet në kërkesat e SASHK-ut për rrogën minimale, për dënimet e mësimdhënësve dhe për çështje të tjera të ngritura që nga shtatori, atëherë të punësuarit në arsim do të hynë në grevë.

Përkrahje për kërkesat e SASHK-ut dhanë edhe nga Konfederata Evropiane të sindikatave në arsim.