fbpx

Teuta Arifi, realizoi takimin e lamtumirës me ambasadorin amerikan, Paul Wohlers

Kryetarja e komunës së Tetovës, Teuta Arifi, sot realizoi takimin e lamtumirës me ambasadorin e Shteteve të Bashkuara të Amerikës në vend, Paul Wohlers, me rastin e përfundimit të misionit të tij diplomatik në Republikën e Maqedonisë. Gjatë këtij takimi, kryetarja Arifi, shfrytëzoi rastin që në emrin e saj personal dhe në emër të të gjithë banorëve të komunës së Tetovës të falënderojë përzemërsisht ambasadorin Wohlers, “për punën dhe kontributin e tij të çmuar për forcimin e raporteve mes dy vendeve, angazhimin e tij në ndërtimin e një klime sa më të mirë bashkëpunimi, bashkëpunim i cili padyshim do të vazhdojë të kultivohet me intensitet të madh edhe në të ardhmen.” Ambasadori Wohlers, poashtu shprehi kënaqësinë e tij për kooperimin e shkëlqyeshëm të deritanishëm me komunën e Tetovës duke i uruar njëkohësisht kësaj të fundit shumë suksese në realizimin sa më të mirë të qëllimeve dhe aktiviteteve të saj në të ardhmen.

Tags

Lajme të ngjashme

Back to top button
Close