Zyrtare: Shaqiri lojtar i Interit

Ylli kosovar me pasaportë zvicerane është lojtari më i ri i skuadrës së Interit.

Interi ka konfirmuar përmes televizionit zyrtar se ka arritur marrëveshje me Bayern Munichun për transferimin e Xherdan Shaqirit.

Bayerni do e jap Shaqirin në formë huazimi deri në verë dhe do të përfitoj 2 milion euro, ndërsa në fund të këtij sezoni Interi do ta blej kartonin e plotë të shqiptarit, e Bayern do të përfitoj hiq më pak se 12 milion euro.

Shaqiri pritet që sonte mbrëma të arrijë në Milano, për të zhvilluar nesër testet mjekësore dhe nënshkrimin e kontratës. / Portalb