IPA fondet, 21 milion euro për infrastrukturën rurale
Komunat rurale në Maqedoni nga dita e sotme mund të aplikojnë në Ministrinë e Financave për marrjen e granteve-mjete të pakthyeshme në vlerë deri më 260 mijë euro për projekte infrastrukturore.
Fondi i përgjithshëm i granteve për infrastrukturën rurale është gati 21 milion euro, prej të cilëve 15.5 milion janë siguruar nga IPA fondet dhe pjesa tjetër nga buxheti. Këto mjete mund të përdorën për ndërtimin e rrugëve, ndriçimin publik, çerdheve, shkollave, qendrave kulturore dhe ndërtimin e stacioneve për ujërat e zeza në vendbanimet ku jetojnë deri më 10 mijë banorë.