Pas librit, edhe një film për Presidentin Hollande nga ish-Zonja e Parë e Francës
Ish-Zonja e Parë e Francës, Valerie Trierweiler, pas suksesit me librin “Faleminderit për këtë moment”, në të cilin përshkruan lidhjen dhe historinë e saj me Presidentin aktual francez, François Hollande, po përgatitet për ta “shfaqur” këtë libër në kinema.
Pas librit, që tashmë është një best-seller në Europë e që preku rëndë imazhin e Presidentit francez, ky film do të sjellë detaje të reja nga jeta e çiftit presidencial dhe nga kulisat e jetës politike të Presidentit. Roli kryesor do të luhet nga Saida Jawad , që është dhe mike e ngushtë me vetë Valerie Trierweiler.
