Maqedonia me më pak investime në rajon

Maqedonia është në fund të listës nga vendet e rajonit për thithjen e investimeve të huaja dekadën e fundit.

Të dhënat e Bankës Botërore tregojnë se nga vendet e rajonit, Maqedonia në dekadën e fundit ka rezultate më të mira vetëm se Bosnja dhe Hercegovina.

Sipas Bankës Botërore, vitin e kaluar në vend kanë hyrë 376 milion dollar investime të jashtme, në Shqipëri 1.2 miliard dollar, në Serbi 2 miliard dollar, Mali i zi 450 milion, Kosovë 343 milion dhe Bosnjë e Hercegovinë 315 milion dollar.

Është e logjikshme që Serbia të ketë më shumë Investime se Kosova ose se Maqedonia për shkak se është shtet me territor më të madh. Por nëse ky numër ndahet sipas numrit të banorëve sërish Maqedonia ka rezultat i cili është më i mirë vetëm se Bosnja e Hercegovina.