fbpx

Zv/drejtori i Agjencisë për Investime punëson vetëm maqedonas

Derisa vendet e drejtorëve shqiptarë të BDI-së nëpër drejtoritë dhe agjencitë qeveritare ngelen të zbrazta, zv/drejtorët e VMRO DPMNE-së vazhdojnë të punësojnë vetëm maqedonas nëpër institucione shtetërore.

Në konkursin e fundit të Agjencisë për Investime të Huaja, për pranimin e promotorëve ekonomik në Dallas dhe Nju Xhersi të Shteteve të Bashkuara të Amerikës dhe Osllo të Norvegjisë, nuk është pranuar asnjë shqiptar.

Disa nga kandidatët e eliminuar thonë se ka pasur shqiptarë të cilët kanë përmbushur të gjitha kushtet e kërkuara, por Agjencia për Investime të Huaja ka gjetur arsye banale për ti refuzuar aplikimet e tyre.  Konkursi i fundit nuk është i vetmi rast që zv/drejtori i Agjencisë shfrytëzon mungesën e drejtorit shqiptarë për të pranuar ekskluzivisht maqedonas në Agjencinë për Investime të Huaja. Para pak kohësh ishte mbyllur konkursi edhe për mbi 15 të punësuar në këtë Institucion, ku gjithashtu nuk është pranuar asnjë shqiptar. Zv/drejtori i kësaj Agjencie Kliment Shekerovski edhe pse premtoi se do të japë shpjegimin e tij për këto konkurse, ai u bë pishman dhe nuk përgjigjej në thirrjet telefonike.

Heshtje edhe në BDI, e cila nuk sqaron arsyet e vonesës së emërimit të drejtorëve nëpër institucione, tashmë 6 muaj nga formimi i Qeverisë. Sekretari i Përgjithshëm i BDI-së Abdilaqim Ademi në një deklaratë për Alsat në shtator të vitit të kaluar, paralajmëronte se drejtori i Agjencisë për Investime të Huaja dhe disa institucioneve të tjera do të emërohet së shpejti.

‘Është emëruar drejtori i Postave të Maqedonisë, së shpejti pritet edhe emërimi i drejtorit në Agjencinë për Investimeve të Huaja dhe Qendrën për Menaxhim me Kriza’, deklaronte Abdilaqim Ademi, Sekretari i Përgjithshëm i BDI-së (21.09.2014).

3 muaj pas kësaj deklarate, Agjencia për Investime të Huaja dhe institucionet e tjera vazhdojnë të mbeten pa drejtorë shqiptarë, ndërsa rolin e tyre e bëjnë zv/drejtorët maqedonas./ alsat-m

Tags

Lajme të ngjashme

Back to top button
Close