Përmirësimi i gabimeve në tekste shkollore, Shqipëria ndihmon Maqedoninë
Shqipëria do të ndihmojë në shqyrtimin dhe korrigjimin e teksteve shkollore në Maqedoni, të cilat përmbajnë gabime dhe shtrembërime. Ky ishte paralajmërimi i përfaqësuesve të Kuvendit të Republikës së Shqipërisë të cilët takuan nënkryetarin e Kuvendit të Maqedonisë Rafiz Aliti.
Nënkryetari i Komisionit për Edukimin dhe Mjetet e Informimit Publik të Kuvendit të Shqipërisë Alfred Peza tha se Ministria e Arsimit të Shqipërisë tashmë ka nisur iniciativë për të detektuar dhe zhdukur këtë fenomen problematik. Ndërkohë Aliti përveç nevojave dhe problemeve në arsim theksoi edhe nevojën për frymë opozitare, ashtu sikurse në Shqipëri.