Mustafa: Nga migrimi përfitojnë vetëm trafikantët
Kryeministri i Kosovës, Isa Mustafa, largimin e shqiptarëve nga Kosova e sheh si një përfitim vetëm nga trafikantët dhe nga askush tjetër.
Në emisionin “Debat” të RTK-së, ai ka thënë se qytetarët nuk duhet të nisen drejt shteteve të Evropës, pasi që asnjë shtet i Evropës nuk ofron azil.
“Është e vërtetë se janë hapur kanale të ndryshme përmes Serbisë përmes trafikantëve të ndryshëm dhe nga kjo nuk përfiton askush përveç trafikuesve, sepse qytetarët po humbin tokat e tyre dhe pasurinë e tyre”, tha tutje Mustafa.