Dita e dytë fazë e portokalltë, rekomandime nga ekspertët gratë shtatzëna mos shkoni në punë

Mot shumë i ngrohtë me temperatura prej 32 deri 39 gradë është paralajmëruar për sot në Maqedoni.

Rajoni i Osogovës-Malishevës, Ohrit-Prespës dhe rajonin e Pollogut dita e dytë me radhë do të përfshihen nga vala e të ngrohtit, gjegjësisht faza e portokalltë.

Në rajonet tjera, të Shkupit, të jugut të Vardarit dhe Pellagonisë, është paralajmëruar valë e të ngrohtit, gjegjësisht fazë alerte.

Sipas Drejtorisë për punë meteorologjike, pas motit me diell dhe shumë të ngrohtë, nga fundi i ditës në pjesët perëndimore do të ketë kushte për reshje lokale të shiut dhe bubullima. Për fundjavë pritet ulje e vogël e temperaturave në gjithë shtetin.

Në pajtim me Planin aksionar për mbrojtje nga vala e të ngrohtit, për shkak të temperaturave të paralajmëruara të larta, me qëllim të mbrojtjes së shëndetit të grupeve të rrezikuara të popullsisë, Ministria e Shëndetësisë jep rekomandime për tërë territorin e shtetit.

Rekomandohet që sot dhe nesër të lirohen nga puna  gratë shtatzëna dhe personat më të moshuar se 60 vjet, punëdhënësit ta riorganizojnë orarin e punës për punëtorët ndërtimor dhe personat të cilët punojnë në sipërfaqe të hapura me atë që do të shmangen aktivitet në periudhën prej orës 11 deri në ora 17.

Sipas rekomandimeve, kopshtet nuk duhet të praktikojnë aktivite fizike dhe të mos i nxjerrin fëmijët jashtë prej orës 11 deri 17, ndërsa njësitet e vetëqeverisjes lokale, Kryqi i Kuq  dhe qendrat për punë sociale të kenë qasje më aktive dhe ndihmë të personave të moshuar, personave të pamundur dhe pastrehë.

Në pajtim me Planin aksionar për mbrojtje nga valët e ngrohta për tërë shtetin edhe më tej vlejnë rekomandimet e përgjithshme  për uljen e rreziqeve ndaj shëndetit dhe nga veprimi i valës së të ngrohtit.

Gjatë ditëve të tilla të ngrohta ekstreme, rekomandohet të qëndrohet  më shumë në hapësira të mbyllura, para se gjithash të kondicionuara,  ndërsa gjatë qëndrimit të obligueshëm në sipërfaqe të hapura në këtë periudhë, të gjendet mundësi për pushime më të shpeshta nën hije.

Duhet të mbahen robe me ngjyrë të ndritur dhe të lehta,  ndërsa gjatë eksponimit të drejtpërdrejt në diell syza mbrojtjese dhe kapelë (ngjyrat e ndritshme reflektojnë dritën),  ndërsa gjatë rrezitjes  të shfrytëzohen kreme me faktorë të lartë mbrojtës.

Rekomandohet të konsumohet sasi më e vogël ushqimi, kryesisht  pemë dhe perime, ndërsa më pak ushqim i yndyrshëm, sasi të mëdha të lëngut,  më mirë uji i thjeshtë për pije,  dhe shmangen e pijeve alkoolike.

Gjatë hyrjes në automjet, nevojite ai një periudhë të caktuar të ajroset, ndërsa personat e sëmurë kronik rregullisht ta marrin terapinë e rekomanduar, në konsultim me mjekun amë.
Për shkak temperaturave të larta dhe mundësisë së rritur për paraqitje të helmimit me ushqim dhe sëmundje infektive të zorrëve, rekomandimet janë: larja e rregullt e pemëve dhe perimeve të freskëta gjatë përdorimit të tyre, përgatitja termike e ushqimit dhe  konsumimi i tij në afat sa më të shkurtër pas përgatitjes.

Nëse nuk bëhet kjo, ushqimi i tillë i përgatitur të vendoset në frigorifer në +8 gradë, ndërsa gjatë përdorimit të ngrohet në +100 gradë. Të shmangen prodhimet të cilat nuk janë të përpunuara termikisht si majonezi nga vezët e shtëpisë, ndërsa me kujdes të konsumohen akulloret dhe kremat e ndryshëm./Mia