fbpx

Qosja: Festat e Nëntorit i gjejnë shqiptarët si kurrë më mirë në histori

Akademiku Rexhep Qosja ka folur lidhur me Festat e Nëntorit dhe me 102-vjetorin e Pavarësisë, duke thënë se këto festa i gjejnë shqiptarët si kurrë më mirë qëkurse historia merret me ta.

Duke folur edhe për situatën politike në Kosovë, Qosja tha se koalicioni PDK-LDK është në fakt një koalicion dëshpërues, fyes dhe përulës për Kosovën.

“Pse them kështu? Them kështu sepse ky koalicion mund t’ia sjellë Kosovës një dhuratë danaike – mund t’ia sjellë Kosovës kryeministër kryetarin e LDK-së, Isa Mustafën”, është shprehur Qosja. Ai thotë se është duke u çuditur dhe shumëkush po çuditet se si asnjë anëtar i PDK-së nuk e ngriti zërin kundër Isa Mustafës, kundër kandidatit të LDK-së për kryeministër të Kosovës. “Është ky një turp partiak i PDK-së, padyshim. Pse anëtarët e PDK-së nuk e ngrehin zërin kundër këtij koalicioni të çoroditur e të dëmshëm?”, tha Qosja për Epoka e Re.

Kurse, sa i perketë festës së 28 nëntorit, dhe se a duhet të ndihen krenarë të gjithë shqiptarët për këtë këtë festë, Qosja ka thënë se ky 28 nëntor, që është njëzetetetë nëntori i njëqind e dyvjetorit të pavarësisë së Shqipërisë, po i gjen shqiptarët më mirë se asnjëherë në historinë e tyre prej se historia merret me ta, me organizimin e tyre shtetëror, me jetën shoqërore dhe kulturore të tyre.

“Shqiptarët sot kanë dy shtete, dy shtete që i bëjnë faktor me rëndësi të dukshme, madje të madhe në rajonin e Ballkanit. Shqiptarët në Maqedoni kanë arritur të bëhen subjekt politik, shoqëror e kulturor historik dhe me shpresën se kjo gjendje e tyre, këtë subjekt të tyre politik, logjika historike do ta bëjë gjithnjë e më të dukshëm, gjithnjë e më të plotë, gjithnjë e më vendimtar. Subjekt historik shoqëror dhe kulturor pashmangshëm do të bëhen edhe shqiptarët në Luginën e Preshevës dhe të Malit të Zi, natyrisht me kusht në qoftë se nuk vazhdojnë të largohen prej vatrave të tyre”, vlerësoi akademik Qosja.

Tags

Lajme të ngjashme

Back to top button
Close