Rusia lëshon hijen e saj me Kishat maqedonase në stilin rus

Kishat ortodokse në Maqedoni gjithnjë e më shpesh po ndërtohen në stilin rus. Kisha e fundit nga katër që janë në ndërtim e sipër është paralajmëruar të ndërtohet si kish-qytet me një kompleks konakësh ku do të përfshihen shtëpi pleqsh, shtëpi për fëmijë, ambulant, hotel shtëpi e kulturës ruse. Ky kompleks në lagjen Zhelezara të Shkupit do të ndërtohet në tokën e Kishës Ortodokse Maqedonase. Sipas Radio Evropës së Lirë, ndërtimin e Kishës e ka filluar KOM-I duke kërkuar edhe donacione.

Pse gjithnjë e më shumë Kishat në Maqedoni ngjajnë me kishat ruse? Prifti Petar thotë stili i ndërtimit varet nga dëshira, por në fund përsëri vendos peshkopi i Dioqezës.

“Unë e di vetëm një gjë se në Dioqezën tonë Prespë – Pellgoni,pa marrë parasysh kush është investitorë ne i tregojmë si do të ndërtohet Kisha dhe çfarë arkitekture do të ketë. Unë dua që arkitektura të jetë në stilin maqedonas”, thotë prifti Petar.

Përveç ndërtimit t Kishës në lagjen Zhelezara, këtë vit njëlloj në lagjen Aerodrom, biznesmeni Sergej Samsonenko, financoi ndërtimin e një Kishe në stilin Rus.

Profesori universitar Cane Majonobski thotë se Kisha Ortodokse Maqedonase duke e parë gjendjen në të cilën ndodhet me Kishën Serbe, kërkon që të ndjek marrëdhënie të mira me Kisha tjera, veçanërisht me një Kishë të fuqishme siç është Kisha ruse.