fbpx

Volers, bën thirrje për ndërtimin e një shoqërie multietnike

Gjatë një ligjëratë para studentëve të UEJL-së në Tetovë, ambasadori amerikan Paul Wohlers u ka bërë thirrje të gjithë faktorëve relevant që të punojnë për të ndërtuar një shoqëri multietnike duke respektuar dallimet.
Wohlers tha se janë liderët ata që duhet të punojnë për të ndërtuar raporte të mira ndëretnike dhe për ta neutralizuar dhunën. Wohlers ia drejtoi të njëjtën thirrje edhe politikanëve në Maqedoni, duke nënvizuar se fshehja e problemeve apo heshtja ndaj tyre, është e dëmshme, njofton Alsat.

“Ne të gjithë e dimë se marrëdhëniet ndëretnike këtu në Maqedoni janë problem, nuk ka njeri që e mohon këtë, por nuk dua të ndiheni se unë e piketoj këtë problem vetëm këtu, në Maqedoni. Siç e dimë të gjithë, nëse kemi shikuar televizor sot në mëngjes, Amerika ka po ashtu… por është e hapur ndaj kësaj. Ajo që bëjmë ne, është se mësojmë nga gabimet tona. Ky është proces i dhimbshëm por është i rëndësishëm. Për të lëvizur përpara, të gjithë vendet dhe shoqëritë duhet të flasin drejtë për ndjenjat dhe problemet e tyre, pra duhet të flitet hapur si të rregullohet situata në vendin tuaj. Kjo kërkon po ashtu edhe media të lira që përhapin diversitetin dhe po ashtu të flitet për problemet në shoqëri. Po ashtu, kërkon edhe një ndërtim të sistemit qeveritar dhe institucional që njerëzit t’i besojnë, madje, edhe nëse nuk pajtohen me të”, deklaroi Paul Wohlers, Ambasador i SHBA-së në Maqedoni.

“Këtu në Maqedoni është e qartë se një pjesë e madhe e shoqërisë nuk beson se merr çdo herë trajtim të barabartë para ligjit. Është në interes të kësaj qeverie të njohë shqetësimet dhe kur është e nevojshme të marrë veprime t’i adresojë këto shqetësime, sepse, duke shikuar tutje dhe duke fshehur problemet nuk i bëjmë ata probleme që të zhduken, por i lëmë që të bëhen më të vështira”, u shpreh Paul Wohlers, Ambasador i SHBA-së në Maqedoni.

Lajme të ngjashme

Back to top button
Close