fbpx

Dy shqiptarë digjen të gjallë në kamion teksa tentonin të kalonin në Angli

Një cigare ka djegur të gjallë dy shqiptarë, në përpjekje për të hyrë ilegalisht në Angli. Raportohet se të rinjtë janë shkrumbuar nga flakët e zjarrit që shpërtheu në kamionin, ku ata ishin fshehur rreth orës 19:30 të mbrëmjes së të mërkurës. Trupat e viktimave janë gjetur terësisht të karbonizuar.

Lajmi është përcjellë edhe nga mediat franceze dhe ato britanike, të cilat kanë publikuar dhe pamjet e kamionit në flakë. Kamioni drejtohej nga një shtetas polak dhe ishte nisur nga Polonia, ndërsa u përfshi nga flakët në terminalin e trageteve pranë Dunkirk.

Policia franceze ka bërë ndalimin e drejtuesit të kamionit, ndërsa ai ka mohuar të ketë pasur dijeni se në pjesën e pasme të mjetit që drejtonte kishte emigrantë.

Mediat raportojnë se ngjarja dyshohet të jetë shkaktuar nga një cigare e hedhur nga viktimat, që më pas ka djegur edhe pëlhurën që mbulonte pjesën e pasme të kamionit, ku ishin fshehur. Mësohet se vajza që ka mbetur e vdekur është nga Rrësheni, Rina Kaçorri, 22 vjeç dhe ishte nisur ilegalisht për tu bashkuar me bashkëshortin e saj qe ndodhej në Angli. Ajo shoqërohej nga djali i dajës së burrit të saj, Rexhë Mynzyra, që po e ndihmonte për të mbërritur në Angli. /albeu

Tags

Lajme të ngjashme

Back to top button
Close