Shkup, tre fatkeqësi komunikacioni për 24 orë
Gjatë ditës së djeshme në rajonin e Qytetit të Shkupit policia rrugore bëri ekspertizë në gjithsej tre aksidente rrugore.
Prej tyre, dy janë me pasojë dëm material dhe një me pasojë lëndim trupor në të cilën lëndime më të lehta ka marrë një drejtues i mopedit.
Gjatë ditës së djeshme policia rrugore ka zbuluar dhe sanksionuar nëntë drejtues të cilët nuk e kanë respektuar kufizimin e shpejtësisë së lëvizjes, 19 drejtues të cilët nuk kanë përdorur rrip sigurie, ose e kanë përdorur celularin gjatë drejtimit të automjetit, 17 drejtues të cilët janë parkuar keq në udhëkryq si dhe 14 këmbësorë.
