Miqësore: Brazili mundi Turqinë, Argjentina Kroacinë

Argjentina ka arritur të përmbys rezultatin dhe të mposht Kroacinë, ndërsa Belgjika e Adnan Janiuajt, ka mposhtur Islandën, në ndeshe miqësore.

Kombëtarja e Messit, Argjentina, ka arritur të fitojë ndeshjen miqësore ndaj Kroacisë, me rezultat 2-1.

Sharbini, pas një asistimi fantastik të Kovacic, shënoi për epërsinë e kroatëve.

Aguero dhe Messi, shënuan për përmbysjen dhe njëherit fitoren e Argjentinës, në pjesën e dytë.

Belgjikë – Islandë 3:1

Në miqësoren tjetër, Belgjika e Adnan Januzajt, mposhti 3-1 Islandën, ndërsa Januzaj kontribuoi me një asistim në këtë fitore.

Lomberts, Origi dhe Lukaku, shënuan për belgët. Golin e vetëm për islandezët, e shënoi Finnbogason

Turqi – Brazil 0:4

Brazili tani i udhëhequr nga trajneri i ri i tyre, Carlos Dunga, ka dhuruar një paraqitje mahnitëse ndaj Turqisë, në ndeshje miqësore, duke e mposhtur 0-4.

Merita të jashtëzakonshme në këtë fitore, patën sulmuesi i Barcelonës, Neymar, dhe mesfushori i Chelsea, Willian.

Neymar në minutën e 20’, shënoi për epërsinë e parë. Anëtari turk, Kaya, me një autogol, i dyfishoi avantazhin për brazilianët.
Në fund të pjesës së parë, Willian, hipotekoi fitoren, duke shënuar për 0-3.

Në pjesën e dytë në minutën e 60’, një kombinim i shkëlqyer në mes Willian dhe Neymar, solli edhe golin e katërt, i realizuar nga ky i fundit.

Holandë – Meksikë 2:3

Kombëtarja e Meksikës ka arritur të hakmerret ndaj Holandës, për eliminimin në kampionatin botërorë të Brazilit.

Meksikan, në një ndeshje tejet interesante e që dhuroi 5 gola, fituan 2-3.

Carls Vela me dy gola dhe Hernandez me një gol, ishin realizatorët për Meksikën në këtë fitore.

Në anën tjetër, për holandezët, shënuan Wesley Sneijder dhe Daley Blind.