F1, Rosberg fiton në Brazil, kampioni vendoset në Abu Dhabi
Do të vendoset gjithçka në garën e fundit për sa i përket kampionit të botës në Formula 1. Nico Rosberg arriti të fitonte Çmimin e Madh të Brazilit, por kjo nuk i mjaftoi për të barazuar në renditjen e pilotëve britanikun Hamilton, i cili u rendit i dyti në këtë garë.
Në shtëpinë e tij, Felipe Massa me Williams arriti të zërë vendin e tretë, ndërsa i katërti u rendit Buton e pas tij Vettel. Alonso dhe Raikonen, dy pilotët e Ferrarit, u renditën përkatësisht në vendin e 6-të dhe të 7-të.
Pas kësaj gare, britaniku Hamilton kryeson renditjen e pilotëve me 334 pikë, ndërsa piloti tjetër i Mercedes, Rosberg renditet i dyti me 317 pikë.
Gara e fundit do të zhvillohet në Abu Dhabi, ku do të vendoset edhe kampioni i ri në Formula 1. Hamilton-it do t’i mjaftonte një vend i dytë për tu shpallur kampion. / Top Channel