Zbardhet axhenda e Ramës në Beograd, ja oraret
Zbardhet axhenda e takimeve të kryeministrit Edi Rama gjatë vizitës së tij në Beograd. Tashmë ajo është konfirmuar nga të dy palët dhe ashtu siç pritej do të mungojë takimi i kreut të qeverisë shqiptare me Presidentin e Serbisë Tomislav Nikoliç si dhe nuk do të zhvillohet shëtitja në këmbë në rrugët e Beogradit.
Gjithashtu kreu i qeverisë shqiptare do të vizitojë edhe Luginën e Preshevës.
Vizita e Ramës në Serbi ishte parashikuar të zhvillohej që në pranverë por u shty për në vjeshtë për shkak të zgjedhjeve të përgjithshme në këtë vend. Ndërsa shtyrja e dytë ndodhi pas incidentit të rëndë në ndeshjen e futbollit Serbi-Shqipëri të 14 tetorit. /albeu.com/
Axhenda e plotë e vizitës së Edi Ramës në Serbi:
E hënë, 10 nëntor 2014
11.30 – Pritja dhe takimi mes dy kryeministrave Rama – Vuçiç
12.30 – Konferencë e përbashkët për shtyp mes dy kryeministrave
16.00 – Takim i kryeministrit Rama me gazetarët
17.00 – Takim dhe fjalë në tryezën e biznesit Serbi – Shqipëri
18.00 – Takim në bashkinë e Beogradit
E martë 11 nëntor 2014
11.00 – takim me komunitetin shqiptar në Preshevë