Derbi në Kërçovë pa fitues
Kanë përfunduar ndeshjet e xhiros së 13-të të Ligës së Dytë të Maqedonisë në futboll, ku në kryendeshjen e kësaj jave dy ekipet e kreut, Shkupi dhe Vëllazërimi në Kërçovë kanë zhvilluar duelin më spektakular.
Shkupjanët në këtë ndeshje kishin shkuar me një numër të konsideruar të futbollistëve të prekur nga virusi i gripit, por të cilët kishin vendosur që të mos e humbasin këtë derbi.
Pjesa e parë ka përfunduar pa gola të shënuar, ndërsa në pjesën e dytë u shënuan 4 gola, dy nga secila anë. Të parët në epërsi kanë kaluar vendasit, kur Minas Osmani kishte bërë ndërhyrje të palejuar, e për çka referi e ndëshkon me karton të kuq, ndërsa nga penaltia ka shënuar Kushtrim ballazi në minutën e 55-të.
Edhe pse me një futbollistë më pak, Shkupjanët arrijnë të barazojnë në minutën e 81-të me anë të Muharrem Bajrami, ndërsa vetëm 4 minuta më vonë përsëri në epërsi kalojnë vendasit, kur shënoi Xhelil Asani. Por që gjithçka të jetë më interesante dhe ndeshja të arsyetojë epitetin e derbit, u përkujdes Goran Maznov, i cili shënoi gol në minutën e dytë të kohës shtesë.
Në duelet tjera vlen të përmendim fitoren e lartë të Gostivarit ndaj Napredokut, ndërsa Drita ka vazhduar serinë e disfatave, pasi në Shkup është mundur nga “Skopje” me rezultat 3:0.
Rezultatet e xhiros së 13-të:
Makedonija Gj.P. – Kozhuf 0:0
Vëllazërimi – Shkupi 2:2
Gostivari – Napredoku 6:3
Mlladost – Euromilk 1:1
Skopje – Drita 3:0
Tabela: Shkupi 32 pikë, Gostivari 22, Vëllazërimi 21, Mlladost CD 21, Skopje 18, Kozhufi 15, Euromillku 15, Makedonija GJP 14, Drita 11 Napredoku 9