Brenda ditës shtohen 13 shqiptarë pakësohen 8 maqedonas
Maqedonasi i fundit në territorin e sotëm të Republikës së Maqedonisë do të vdesë në vitin 2466, përkatësisht pas 453 vitesh. Kjo do të ndodhë nëse vazhdon trendi i tanishëm që në çdo vit numri i maqedonasve të zvogëlohet, shkruan e përditshmja në gjuhën maqedonase “Dnevnik”.
Ajo përsërit se numri i maqedonasve etnikë është zvogëluar për 8 brenda çdo dite, përkatësisht që vetëm vitin që shkoi është regjistruar një numër prej 2838 maqedonasish më pak, nëse krahasohet numri i lindjeve dhe vdekjeve.
Gazeta shkruan se nëse vazhdohet kështu zhdukja e maqedonasve do të jetë e pashmangshme.
Nga an tjetër, sipas të dhënave statistikore që publikon “Dnevnik”, numri i shqiptarëve brenda një dite rritet për 13, por q sipas gazetës ky trend nuk do të vazhdojë shumë gjatë, sepse sipas ekspertëve që ka konsultuar ajo, në të ardhmen pritet të barazohet nataliteti tek shqiptarët dhe maqedonasit.