Në Deve Bair u sekuestrua 14 kg drogë marihuanë

Autoritetet doganore të Maqedonisë sekuestruan mbrëmë 14 kilogram drogë të llojit marihuanë në një makinë me targa moldave.

Droga u gjet në pikën e kalimit kufitar Deve Bair me Bullgarinë, kur gjatë kontrollit të një makine të tipit “Audi” me targa moldave u gjet sasia e drogës, e fshehur në rezervoarin e makinës.

Droga, siç transmeton Ina njoftimin, ishte mbështjellë me një mbështjellës special dhe ishte futur në një pjesë të rezervoarit të makinës.

Sasia e drogës ishte siguruar në Sarandë të Shqipërisë, ndërsa ishte dedikuar për në tregun moldav.

Ajo duhej të kalonte nga Maqedonia për në Bullgari dhe më pas të përfundojë në Moldavi.