Kërçova dhe Gostivari shënojnë 100 vjetorin e rënies së dëshmorëve të Qafës

Kërçova dhe Gostivari kanë bërë një organizim të përbashkët në fshatin Qafë, për të shënuar 100 vjetorin e masakrës serbe mbi popullatën civile shqiptare në këto anë dhe rënien dëshmor të Sulltanës së Qafës.

Të ftuar special do të jenë Ambasadori i Republikës së Shqipërisë dhe ai i Republikës së Kosovës.
Manifestimi fillon sot në ora 12 me një vizitë te përmendorja e Sulltanës dhe varreve të prindërve të saj dhe vazhdon me një program artistik nga artistët kërçovarë dhe gostivaras.

Pasdite në ora 18, manifestimi vazhdon në Pallatin e kulturës në Kërçovë.