Zoran Zaev: me këtë politikë Maqedonia do të mbesë e izoluar nga bota

Pakënaqësinë e tij, me rrugën në të cilën ecën vendi, lideri i opozitës, Zoran Zaev e ka shprehur edhe në mediat bullgare. Ai ka deklaruar se nëse vazhdohet me këtë politikë  Maqedonia do të mbesë e izoluar nga bota.

“Shpresoj se do të ndryshojë politika, në raport me fqinjësinë e mirë dhe bashkëpunimin me  BE-në dhe NATO-n”,  ka deklaruar Zaev, duke përkujtuar  se vendi që nga viti 2005 e gëzon statusin e kandidatit për integrim në BE, por nga atëherë është duke qëndruar në vend.

Edhe pas tetë vitesh nuk i kemi filluar bisedimet  për anëtarësim.  E ardhmja e paqartë e qytetarëve të vendit tim, po bëhet problem gjithnjë e më i madh në jetën e njerëzve. Kjo është dëshmia më e fortë se m Maqedonia nuk po ecë në drejtimin e duhur”, ka deklaruar Zaev për  mediat bullgare.

Ai ka vlerësuar se problemi më i madh është  kontesti me Greqinë për emrin , kontest ky që  ka ngadalësuar të ardhmen evropiane të Maqedonisë.

Nuk ekziston vullnet i fuqishëm për reforma. Kemi probleme me gjyqësinë, administratën dhe lirinë e mediave. Me biseda të kujdesshme, miqësore dhe diplomatike gjithmonë mund të arrihet një zgjidhje.  Vetëm duhet të jemi të hapur dhe me orientim miqësor që të arrijmë qëllimin tonë”, ka deklaruar Zaev.