Gjykata Kushtetuese shtyn vendimin për shkollat e Çairit
Gjykata Kushtetuese ka shtyrë shqyrtimin e nismës për verifikimin e kushtetutshmërisë së vendimit për riemërtimin e katër shkollave shqipe në Çair. Nisma duhej të shqyrtohej sot, por anëtarët e Gjykatës Kushtetuese kanë anuluar seancën, por pa dhënë arsyet e këtij vendimi.
Procedura për verifikimin e kushtetutshmërisë u iniciua nga drejtori i Inspektoratit të Pushtetit Lokal, Vanço Shehtanski. Ndërkohë, çështja e emrave të katër shkollave shqipe vazhdon të shkaktojë ndjeshmëri politike. VMRO-DPMNE është kundër këtij vendimi, sepse njëri nga emrat që do të mbajnë shkollat, është e një ish-ushtari të UÇK-së.