‘Arkani i Maqedonisë’ u nderua për së dyti nga Qeveria

Si duket nuk mjaftuan pritjet solemne me avion zyrtar si dhe as hapësira mediale që i përkushtohet për çdo ditë kriminelit të dënuar për krime lufte duke e lartësuar atë si hero, Johan Tarçullovski, ai tani duhej të ishte figura kyçe e festimeve të Qeverisë për dy Ilindenët.

Personi i shpallur nga Gjykata e lartë ndërkombëtare e Hagës për ngjarjet e vitit 2001 në fshatin Luboten të Shkupit ku u masakruan pleq dhe fëmijë shqiptar civil të pafajshëm, që sipas analistëve duhet madje së bashku me Qeverinë tu kërkojë falje shqiptarëve, ishte kalorësi kryesor në ceremoninë në Krushevë duke mbajtur flamurin në dorë dhe i hipur mbi kalë. Këtë trajtim disa nga mendjet kritike maqedonase e kanë krahasuar me atë të qeverisë serbe që e kishte me kriminelin e njohur serb, kasapin e shqiptarëve Zhelko Razhnjatoviç Arkan.

Festa e Ilindenit është e dyfishtë dhe atë në vitin 1903 ka filluar Kryengritja e Ilindenit, rezistenca e armatosur e Organizatës revolucionare maqedonase kundër pushtetit osman, si dhe më datën e njëjtë në vitin 1944, në manastirin “Shën Prohor Pçinski” është mbajtur Kuvendi i Parë Antifashist për çlirim kombëtar të Maqedonisë, organ suprem ligjdhënës dhe ekzekutiv i Republikës Federale të Maqedonisë në periudhën prej gushtit të vitit 1944 deri në prill të vitit 1945. 

Pasi që në dy Ilindenët kanë marrë pjesë dhe shqiptarë dhe nacionalitete të tjera, cila ishte logjika e Qeverisë, ku pjesëmarrës janë dhe shqiptarët madje disa ministra ishin në manifestim, të vendose një kriminel lufte i cili është dënuar se kishte vjedhur flori dhe kishte plaçkitur shqiptarët si figutë kyçe të manifestimit.  Si dhe pse u lejua kjo nga shqiptarët?

Nuk mjaftuan kritikat botërore dhe vendase për inaugurimin e tij, tani Qeveria e përzgjedh një masakrues ndaj shqiptarëve figurë kyçe të një kryengritje në të cilën kanë marrë pjesë dhe shqiptarët?

Nga ana tjetër, është kritikuar edhe fjalimi kërcënues i kryeministrit Nikolla Gruevski i cili sipas opinionit kritik maqedonas në vend që të jetë në frymë bashkuese ashtu si ka qenë kryengritja ai ka përdorur këtë festë për ti treguar dhëmbët ndaj atyre që mendojnë ndryshe, duke përvdirur dhe procesin e lustrimit si mjet diskreditues.  /Portalb