Balotelli: 23 shqiptarë mposhtën 32 mijë serbë, mahnitëse
Mario Balotelli ka komentuar incidentet në ndeshjen Serbi-Shqipëri, duke shprehur admirimin e tij për shqiptarët.
Ky koment, për vërtetësinë e të cilit nuk jemi ende të sigurt , është postuar në një faqe tifozësh në Facebook, që shpesh herë poston shaka dhe fotomontazhe.
“32 mijë serbë u mposhtën nga 23 shqiptarë. Shqiptarët janë një komb i fuqishëm, është e mahnitshme”, citohet të ketë thënë Balotelli, transmeton albeu.
Sidoqoftë, afërsia e Balotellit me shqiptarët nuk ka munguar. Një vit më parë ai është fotografuar me fanellën e Kombëtares shqiptare.
