Ministria e jashtme e Maqedonisë shpreh revoltën ndaj Greqisë
Ministria e Jashtme e Maqedonisë sot i dërgoi një notë proteste Zyrës ndërlidhëse diplomatike greke në Shkup, lidhur me rastet e shtuara të grabitjes dhe dëmtimit të tabelave të makinave të pushuesve maqedonas në Greqi.
Ky reagim i është dërguar ambasadorit grek Haris Lalakos, ku shprehet reagimi lidhur me rastet e shtuara të dëmtimit të makinave me targa të Maqedonisë në territorin grek. Në këtë reagim ashpër dënohet edhe veprimi dhe parullat e organizatave ultranacionaliste greke kundër turistëve maqedonas në afërsi të pikave kufitare.
MPJ thekson se pret veprim konkret dhe përgjigje nga autoritetet grek lidhur me këto akte.