Bardhi, ky Messi shqiptar (Video)
Reprezentacioni i Maqedonisë në futboll U-21 ka shënuar fitore në ndeshjen miqësore ndaj Polonisë 2:1 në duelin e luajtur në stadiumin “Arena Filipi II” në Shkup. Trajneri Bllagoja Milevski në njëmbëdhjetëshen e parë kishte tre futbollistë shqiptarë, Besir Demirin e Shkupit, Enis Bardhin e Ujpesit dhe Valmir Nafiun e Hamburgut, të cilët së bashku me Babunskin ishin bartës të lojës së Maqedonisë.
Për reprezentacionin e Maqedonisë i pari kishte shënuan Babunski nga gjuajtja e lirë, ndërsa më pas në skenë kishte dalë Enis Bardhi i cili edhe një herë ka dëshmuar se është futbollist i klasit të lartë.
Në këtë ndeshje ka debutuar në pankinë si ndihmës trajner edhe Agim Sopi.
Në tribunat e stadiumit kishte numër të madh të tifozëve shqiptar të cilët u dhanë përkrahje të madhe futbollsitëve. Gjithashtu në këtë ndeshje u inkuadruan edhe dy futbollistët tjerë shqiptarë, Mustafi dhe Imeri, ndërsa nuk u aktivizua Jasir Asani.
Këtë ndeshje nga afër e kanë përcjellë edhe nënkryetari i FFM Muhamed Sejdini, trajneri i FC Shkupi Zekirija Ramadani, drejtori sportiv i FC Shkupi Visar Ganiu, trajneri i KF Vëllazërimi Nexhat Shabani, në Nebi Mustafi, Festim Ademi dhe Jeton Beqiringa Shkëndija e shumë futbollistë dhe punëtorë sportiv të tjerë. / Portalb / (Foto:Ekipa.mk dhe Sportmedia.mk)