Serbia: Nuk dimë gjë për vizitën e Jahjagës
Mediat kanë shkruar se Atifete Jahjaga është ftuar në Serbi më datë 1 nëntor, në takimin e Komisionit Trilateral Evropian.
Një lajm i tillë u konfirmua edhe nga ana e zëdhënësit të Jahjagës, Arbër Vllahiu.
Por, një informacion të tillë e ka hedhur poshtë Ministria e Jashtme e Serbisë.
“Ne nga Minisria jonë nuk kemi informacione për një vizitë të tillë të Jahjagës më 1 nëntor në Beograd”, kanë thënë nga ministria e Jashtme serbe për “Presheva Jonë”.
MPJ e Serbisë shprehet se vizita nuk është e konfirmuar nga Beogradi zyrtar.